Татарстан шәһәрләре. – прочее, уроки

Тема: Татарстан шәһәрләре.

Максатлар:

1) Татарстан шәһәрләре турында мәгълүмат бирү;

2) телдән сөйләм күнекмәләрен үстерүне дәвам итү;

3) укучыларның иҗади активлыгын үстерү.

Җиһазлау: дәреслек, слайдлар, рәсемнәр.

Дәрес барышы:

Оештыру өлеше

-Исәнмесез, балалар!

-Исәнмесез, Гөлшат Галимовна!

-Хәерле көн!

-Хәерле көн!

-Хәлләрегез ничек?

-Рәхмәт, яхшы. Ә сезнең хәлләрегез ничек?

-Рәхмәт, минеке дә яхшы.

-Бүген бездә кунаклар. Дәресне башлыйбыз.

-Хәзер нинди дәрес?

-Хәзер татар теле дәресе.

-Татар теле дәресендә нишлибез?

-Татар теле дәресендә укыйбыз, язабыз, сөйләшәбез.

Фонетик күнегү

-Әйдәгез, матур итеп телләребезне татарчага җайлаштырыйк.

Шигырь юлларын үзем укыйм, аннан соң укучылар белән бергә кабатлыйбыз.

Матур үтсен көнебез!

Көләч булсын йөзебез!

Дөрес, матур утырыйк,

Тырышып җавап бирик.

-Әйдәгез, бер-беребезне сәламлибез!( Укучылар бер-берсе исәнләшәләр)

-Сәлам, Данил!

-Сәлам, Паша!

-Синең хәлләрең ничек?

-Рәхмәт, яхшы. Ә синең хәлләрең ничек?

-Рәхмәт, минеке дә яхшы.

-Балалар, мин сезгә табышмак әйтәм.

ҺӘР ҖИР КАРЛАНГАН

СУЛАР БОЗЛАНГАН,-

УЙНЫЙ ҖИЛ, БУРАН,-

БУ КАЙЧАК ТУГАН?

-Бу елның кайсы фасылы?

-Бу - кыш.

-Кыш айлары, нинди айлар?

-Декабрь, гыйнвар, февраль.

-Хәзер нинди ай?

-Хәзер декабрь.

-Декабрь аенда ничә көн?

-Декабрь аенда 31 көн.

-Бүген ничәнче декабрь?

-Бүген 16 нчы декабрь

.-Бүген атнаның кайсы көне?

-Бүген җомга.

-Бүген көн нинди?

-Бүген көн салкын, болытлы.(Кар ява. һ.б).

3.Үткәннәрне актульләштерү.

1 нче слайд. Анда шигырь юллары язылган.

Татарстан -туган җирем,

Уртасында -Иделем,

Фонтаннары-кара алтын,

Сары алтын - игенем.

Нәкый Исәнбәт.

Слайдлар. Анда табигать күренешләре.

-Балалар без кайда яшибез?

-Без Татарстанда яшибез.

-Татарстан кайда урнашкан?

-Татарстан Идел буенда урнашкан.

-Татарстанда ничә зур елга бар?

-Татарстанда дүрт зур елга бар.

-Нинди елгалар?

-Идел, Кама, Нократ, Агыйдел.

Слайд. Татарстан картасы.

-Татарстан нинди республика?

-Татарстан зур һәм матур республика.

Слайд. Президент рәсеме.

-Татарстанның президенты кем?

-Татарстанның президенты Миңнеханов Рөстәм Нургалеевич.

Слайд. Герб белән флаг сурәтләнгән.

-Татарстан гербында нәрсә сурәтләнгән?

-Татарстан гербында Ак барс сурәтләнгән.

-Татарстан флагында нинди төсләр бар?

-Татарстан флагында яшел, ак, кызыл төсләр бар.

Слайд. Казан гербы сурәтләнгән.

-Татарстанның башкаласы кайсы шәһәр?

-Казан.

       

-Татарстанда ничә шәһәр бар?

-Татарстанда унтугыз шәһәр бар.

-Татарстанда нинди зур шәһәрләр бар?

-Яр Чаллы, Түбән Кама, Алабуга, Әлмәт, Чистай, Болгар, Яшел Үзән.

Өй эшен тикшерү.

Укучылар, өйдә, шәһәрләр турында мәгълүмат туплап килгәннәр.

-Балалар, әйдәгез, шәһәрләр буенча сәяхәт итик әле?

-Без сезнең белән Казанга юл тотабыз.

(Тактада карта эленеп тора)

Балалар Казанга поезд белән барабыз.(Балалар басалар, аяклары белән хәрәкәтләр ясыйлар.)

-Менә Казанга да килеп җиттек.

-Әй, нурлы Казан, ямьле Казан, моңлы Казан!

Әмма без Казанга керә алмыйбыз әле, капкалар ябык.

(Тактада сүзләр язылган, татарча, аларның тәрҗемәсе ябып куелган. Укучылар дөрес тәрҗемәне әйтергә тиешләр. Сүзләрне ачабыз).

Тарихи урыннар - исторические места

Үзәк - центр

Борынгы - старинный, древний

-Менә капка ачылды.

-Безне Казан белән гидыбыз Данил таныштырыр.

Казан Кремле рәсеме.

Данил сөйли.

Бу - Казан гербы. Казан -Татарстанның башкаласы. Ул борынгы шәһәр. Анда тарихи урыннар күп. Казанның үзәгендә Кремль урнашкан. Кремльдә Сөембикә манарасы, Кол Шәриф мәчете, Благовещение соборы һәм Президент сарае бар.

-Рәхмәт. Менә без Казанда да булдык.(Картага Казан исеме янына флажок беркетәбез).

-Ә хәзер без сезнең Алабуга шәһәренә юл тотабыз. Алабугага автобус белән барабыз.

-Күзләрне йомабыз,20гә кадәр саныйбыз.

Слайд.Алабуга шәһәре гербы һәм рәсемнәре.

(Тактада Елабуга сүзе язылган)

Менә килеп тә җиттек. Безне шәһәргә кертмиләр әле, чөнки бу сүзне татарча әйтергә тиешбез.

Балалар Алабуга диләр.

-Дөрес. Алабуга шәһәре белән безне гидыбыз Павел таныштырыр.

-Бу-Алабуга гербы. Алабуга -борынгы шәһәр. Анда И. Шишкин, М. Цветаева музейлары бар. Алабугада машиналар, тракторлар җитештерәләр.

(Картадагы Алабуга сүзе янына флажок беркетелә)

-Ә, хәзер без Яр Чаллы шәһәренә юл тотабыз. (Күзләрне йомабыз,10га кадәр саныйбыз.)

- Күзләрне ачабыз. Килеп тә җиттек. Керә алмыйбыз. Менә -бу күрсәтү тактасы, аның бер ягы егылып төшкән. Без аны дөрес итеп әйтергә тиеш.(Тактага Яр сүзе язылган, икенче яртысы ябылган, балалар Чаллы сүзен әйтәләр һәм шул сүз ачыла)

-Дөрес. Бу-Яр Чаллы шәһәре.

Слайд. Яр Чаллы шәһәре гербы һәм рәсемнәре.

-Безнең гидыбыз Лиза Яр Чаллы шәһәре белән таныштырыр.

-Бу-Яр Чаллы шәһәре гербы. Яр Чаллы-зур, матур шәһәр. Анда КамАЗ заводы бар. КамАЗда машиналар җитештерәләр.

-Бик, яхшы. Юлыбызны дәвам итәбез. Күзләрне йомабыз,20гә кадәр саныйбыз. Безне бу шәһәргә кертмиләр әле, без шәһәр исемендә төшеп калган хәрефне дөрес әйтергә тиеш.

-Әлм...т (ә) хәрефе карточкада язылган.

Слайд.Әлмәт шәһәре гербы һәм рәсемнәре.

Әлмәт шәһәре турында Юлия сөйли.

-Бу - Әлмәт шәһәре гербы. Әлмәт-нефтьчеләр шәһәре. Анда нефть чыгаралар.

-Хәзер Әлмәттән кайтабыз.(Күзләрне йомабыз һәм 10 нан 1гә кадәр саныйбыз.)

-Менә Кама елгасы буенда бик матур шәһәр күренә. Нинди шәһәр соң бу? Бу шәһәр исеме ике сүздән тора. Монда сүзнең берсе язылган, безгә икенчесен әйтергә кирәк.

Түбән...(Кама сүзен әйтергә тиешбез)

-Дөрес итеп укыйбыз. Бу-Түбән Кама сүзе.

Слайд. Түбән Кама гербы һәм рәсемнәр.

Түбән Кама шәһәре белән безне Артем таныштырыр.

-Бу-Түбән Кама шәһәре гербы. Түбән Кама шәһәре-химиклар шәһәре. Анда шиналар заводы һәм нефть эшкәртү заводы бар.

-Хәзер Кама елгасы буйлап, сәяхәт итәбез.(Басабыз куллар һәм аяклар белән төрле хәрәкәтләр ясыйбыз).

-Менә килеп җиттек. Әйдәгез ял итеп алыйк.

Сәгать йөри келт-келт

Ул уяна иртүк түк-түк

Ул йокларга яратмый юк-юк.

(Баш белән төрле хәрәкәтләр ясыйбыз)

-Бу-кайсы шәһәр?

-Дөрес, бу-Чистай шәһәре.

Слайд.Чистай шәһәре гербы һәм рәсемнәре.

-Чистай шәһәре белән безне Амина таныштыра.

-Бу-Чистай шәһәре гербы. Чистай шәһәре Кама елгасы буенда урнашкан. Анда сәгать заводы бар. Сәгать заводында төрле сәгатьләр җитештерәләр.

Хәзер без сезнең белән изге җирләргә барабыз. Ул -Болгар шәһәре. Болгар җирләренә теплоходта барабыз.(Кул, аяклар белән төрле хәрәкәтләр ясыйбыз)

-Менә бу - Болгар шәһәре. Искиткеч гүзәл шәһәр!

-Болгар шәһәре белән безне Камилла таныштырыр.

-Бу - Болгар шәһәре гербы. Болгар-борынгы шәһәр. Болгарда изге истәлекле урыннар бик күп.

-Хәзер теплоходта башкалабыз Казанга юл алабыз.(Төрле хәрәкәтләр ясыйбыз)

-Казанга да килеп җиттек.

-Казаннан туган җиребез Яшел Үзәнгә кайтабыз. Күзләрне йомабыз һәм 10га кадәр саныйбыз.

-Нинди гүзәл безнең Яшел Үзәнебез!

Слайд. Яшел Үзән гербы һәм рәсемнәре.

-Яшел Үзән шәһәре турында безгә Полина сөйләр.

-Яшел Үзән - минем туган җирем. Ул матур, яшел шәһәр. Анда Горький исемендәге завод,"Позис" заводы, Фанера заводы бар. Горький исемендәге заводта корабльләр житештерәләр,"Позис" заводыФда суыткычлар җитештерәләр. Фанера заводында йорт җиһазлары ясыйлар.

-Ә, сез беләсезме,2012елның мартында Яшел Үзәнгә 80 ел булды.

Йомгаклау.

Балалар, без сезнең белән Татарстан шәһәрләре буенча сәяхәттә булдык. Нинди шәһәрләрдә булдык инде?

-Казан, Алабуга, Яр Чаллы, Әлмәт, Түбән Кама, Чистай, Болгар, Яшел Үзән шәһәрләрендә.

-Менә нинди матур стенд килеп чыкты. Бу безнең проект. Без аны бүген ясадык. Без аны иртәгә икенче катка элеп куярбыз. Барлык балалар да күрсеннәр безнең эшне. Бу шәһәрләр турында мәгълүмат шушы папкада, сез алар белән таныша аласыз. Алдагы сыйныфларда да проект эшләрен дәвам итәрбез.

Өй эше. Безнең шәһәребезне киләчәктә ничек күрәсез? Рәсем ясап килергә.

-Хәзер сез Татарстан шәһәрләрен яхшы белүчеләр буларак медальләр белән бүләкләнәсез.

Балалар Татарстан икмәккә дә бай. Мин сезгә калач пешердем, шуның белән сезне сыйлыйм.

-Дәрес бетте, барыгызга да бик зур рәхмәт!

Понравилась статья? Поделиться с друзьями:
Рефератов нет, есть поурочные планы и разработки уроков